اسلامی ملکوں کی تنظیم او آئی سی نے پاکستان اور بھارت کے درمیان ثالثی کی پیش کش کردی۔
سیکریٹری جنرل او آئی سی نے کہا اگر پاکستان اور بھارت مذاکرات پر راضی ہوں تو او آئی سی مدد کے لیے تیار ہے۔
انہوں نے یہ بات سعودی عرب میں بھارتی سفیر سے ملاقات میں کہی۔
اس موقع پر سیکریٹری جنرل او آئی سی نے مقبوضہ کشمیر میں وفد بھیجنے کی خواہش کا بھی اظہار کیا۔
پاکستان نے او آئی سی کی تجاویز کا خیر مقدم کیا ہے۔
ترجمان دفترِ خارجہ نے کہا کہ بھارت مسئلہ کشمیر پر اقوام متحدہ کی قراردادوں پر عمل درآمد کی اپنی ذمے داریاں پوری کرے۔