پیکا آرڈیننس پر اعتراض مسترد، ذاتی کردار کشی کیخلاف زیرو ٹالرنس پالیسی، تحریک عدم اعتماد پر آل از ویل

اسلام آ باد (نمائندہ ) وزیراعظم عمران خان کی زیر صدارت پارٹی رہنماؤں کے اجلاس کے دوران شرکا نے پیکا آرڈیننس پر تنقید کو بلاجواز قرار دیتے ہوئے کہا کہ الیکٹرانک کرائم پر آرڈیننس سے کسی کی عزت کو اچھالا نہیں جاسکے گا ۔ وزیراعظم کی سربراہی میں پارٹی رہنماؤں اور ترجمانوں کا اجلاس پیر کے روز ہوا۔ اجلاس کے دوران سیاسی ومعاشی صورتحال پر غور کیا گیا، اپوزیشن کی حکومت مخالف تحریک کی جوابی حکمت عملی پر مشاورت کی گئی۔ذرائع کے مطابق شرکاء نے پیکا آرڈیننس پر اعتراض کو مستردکردیا۔