پیسہ چل رہا ہےعوام کا مینڈیٹ چوری کیا تو سری لنکا کی طرح کوئی کنٹرول نہیں کرسکے گا
لاہور(ایجنسیاں)چیئرمین تحریک انصاف عمران خان کا کہنا ہے پنجاب میں عوام نے ہمیں واضح مینڈیٹ دیاہے مگر صوبائی اسمبلی ارکان کی خریدوفروخت کیلئے پیسہ چل رہاہے اور سب کے سامنے چل رہاہے ‘اگرآج پنجاب اسمبلی میں عوام کا مینڈیٹ چوری کیا گیا تو سب کو خبر دار کررہا ہوں کہ یہ ملک سری لنکا کی طرف جائےگااورصورتحال کو کوئی کنٹرول نہیں کرسکے گا‘ پھر جو ہوگا میں ذمہ دار نہیں ہوں گا‘ لوگ میرے کنٹرول میں نہیں رہیں گے ‘یہ جاگی ہوئی قوم ہے، یہ نہ سمجھنا کہ یہ چپ کرکے بیٹھی رہے گی۔ لاہور کے علاقے لبرٹی چوک میں پی ٹی آئی کے مظاہرے سے ویڈیولنک خطاب کرتے ہوئے عمران خان کا کہنا تھا کہ عمران خان نے خبردار کیا کہ زرداری، شہباز شریف، فضل الرحمان پنجاب اسمبلی کے الیکشن میں پیسا چلانے کی کوشش کررہے ہیں‘اگر آج دھاندلی ہوئی تو پھر میں آپ سے رات کو مخاطب ہوں گا اور پھر ہم اگلے لائحہ عمل کا اعلان کریں گے‘عمران خان کا کہناتھاکہ سکندر سلطان جیسا بددیانت الیکشن کمشنر نہیں دیکھا‘سکندر سلطان نے سندھ میں بلدیاتی اور ضمنی الیکشن صرف بارش کی وجہ سے ملتوی کردیا جب کہ ڈسکہ میں پورا الیکشن دوبارہ کرایا۔عمران خان کا کہنا تھا کہ ہم اس الیکشن کمشنرکی نگرانی میں جنرل الیکشن نہیں لڑیں گے، سب سے بڑی جماعت کو جب اس پریقین نہیں تو اسے استعفیٰ دے دینا چاہیے‘چیئرمین پی ٹی آئی نے کہا کہ ہم نے 20 حلقوں میں ضمنی انتخابات صرف ان جماعتوں کے خلاف نہیں بلکہ انتظامیہ‘ریاستی مشینری اور الیکشن کمیشن کے خلاف لڑے ہیں‘ان کا کہنا تھا کہ پنجاب کا ضمنی الیکشن کرانے والوں کو سزا ملنی چاہیے، ضمنی الیکشن میں پی ٹی آئی کو ہرانےکا ہر حربہ استعمال کیا گیا‘انہوں نےکہا کہ اگر عوام کے مینڈیٹ کو عزت دی گئی تو پھر آج ہم اللّٰہ کا شکر ادا کریں گے اور جشن منائیں گے، ہماری حکومت آئی تو ہم نے ان افسران کے نام لکھے ہوئے ہیں جنہوں نے عوام پر ظلم کیے، ہم بھولیں گے نہیں۔ قبل ازیں اپنے بیان میں عمران خان کا کہناتھاکہ عمران خان کا کہناہے کہ جرائم کے بادشاہ زرداری اور شہباز شریف این آر او ٹو حاصل کر کے لوٹی ہوئی دولت پنجاب کے ایم پی ایز کو خریدنے کیلئے استعمال کر رہے ہیں۔ان بدمعاشوں کیلئے سری لنکا واضح مثال ہے‘ عوام آپ کو پنجاب میں اپنا مینڈیٹ چرانے کی اجازت نہیں دیں گے۔امپورٹڈ حکومت نے پہلے ساکھ سے محروم ECP کی سربراہی پر فائز بد دیانت اور متعصب چیف الیکشن کمشنر سکندر سلطان راجہ کی معاونت سےسرکاری+ حکومتی مشینری کے ذریعے پنجاب کے ضمنی انتخابات میں دھاندلی کی کوشش کی لیکن نہایت باشعور اور پرعزم عوام نےاپنی ثابت قدمی سے ان کے مذموم عزائم ناکام بنائے۔سابق وزیراعظم نے مزیدکہاکہ اب جرم کی دنیا کے بادشاہ زرداری اور شہباز NRO2 لینے کے بعد MPAs کو خریدنے کیلئے نہایت بے رحمی سے لوٹی گئی دولت استعمال کرتے ہوئے قانون کا مذاق اڑانے اور آئین پامال کرنے میں مصروف ہیں۔انہوں نے لکھا کہ میں پاکستانی عوام سے کہتاہوں کہ جیسے انہوں نے17جولائی کو گھروں سے نکل کرپنجاب کےضمنی انتخاب پر ڈاکے کا منصوبہ ناکام بنایا، وہ آج پھر ملک بھر میں احتجاج کے ذریعے اپنے مینڈیٹ کے تحفظ کیلئے نکلیں۔عمران خان نے کہا کہ میں رات 9 بجےخطاب کروں گا، سری لنکا کو ایک مثال بننے دیجئے کہ اس میں بدمعاشوں، ان کےسرپرستوں اور ECP کیلئے واضح پیغام ہے کہ عوام آپ کو پنجاب میں عوامی مینڈیٹ پر ہاتھ صاف کرنےکی قطعاً اجازت نہیں دینگے۔