افغانستان کے نائب وزیر اطلاعات اور ترجمان ذبیح اللّٰہ مجاہد نے کہا ہے کہ افغانستان تمام ہمسایہ ممالک سے دوستانہ تعلقات چاہتا ہے۔ عالمی فورمز پر امن و محبت کے ساتھ تعلقات چاہتے ہیں۔
ایک بیان میں نائب وزیر اطلاعات نے کہا کہ افغانستان، پاکستان کے ساتھ تاریخی برادرانہ تعلقات رکھتا ہے۔
ذبیح اللّٰہ مجاہد نے کہا کہ پاکستان اور افغانستان کے معاشی، اقتصادی اور تجارتی مفادات یکساں ہیں۔ دونوں ممالک کی تجارتی راہداریاں بھی ایک ہی جگہ سے ہوکر گزرتی ہیں۔
