ڈاکٹر ظفر مرزا 137

کورونا: صحتیاب افراد کی تعداد بڑھی ہے، ڈاکٹر ظفر مرزا

وزیراعظم عمران کے معاون خصوصی برائے صحت ڈاکٹر ظفر مرزا نے کہا ہے کہ کورونا وائرس سے مکمل طور پر صحتیاب ہونے والے افراد کی تعداد بڑھی ہے۔

وفاقی وزیر اسد عمر اور معاون خصوصی معید یوسف کے ہمراہ میڈیا بریفنگ میں ڈاکٹر ظفر مراز نے کہا کہ کورونا وائرس کے باعث عائد بندشوں سے صورتحال بہتر ہوئی ہے۔

انہوں نے مزید کہا کہ اگر عوام پابندیوں پر عمل کریں تو صورتحال میں مزید بہتر ی آسکتی ہے۔

معاون خصوصی برائے صحت نے یہ بھی کہا کہ پاکستان میں کورونا وائرس سے متاثرہ کنفرم کیسز کی تعداد 2039 ہے۔

ان کا کہنا تھا کہ کورونا وائرس سے 82 افراد مکمل طور پر صحتیاب ہوچکے ہیں جبکہ گزشتہ 24 گھنٹوں میں 178 کیسز میں اضافہ ہوا ہے۔

اس خبر پر اپنی رائے کا اظہار کریں