272

نہ دھمکی نہ سمٹ میں جانے سے روکا

پاکستان میں سعودی سفارتخانے نے میڈیا پر چلنے والی ایسی بے بنیاد خبروں کی تردید کی ہے جس میں کہا گیا ہے کہ سعودی عرب نے پاکستان کو کوالالمپور سمٹ میں شرکت نہ کرنے پر مجبور کیا ہے اور اسے دھمکی دی ہے۔

پاکستان میں سعودی سفاتخانے کی جانب سے جاری اعلامیے میں کہا گیا ہےکہ پاکستان میں سعودی عرب کا سفارتخانہ ان خبروں کی سختی سے تردید کرتا ہے جس میں کہا گیا ہے کہ سعودی عرب نے پاکستان کو ملائیشیا میں منعقد ہونے والی سمٹ میں شرکت نہ کرنے پر مجبور کیا ہے۔

اعلامیے میں کہا گیا ہے کہ سعودی سفاتخانہ اس بارے میں سختی سے تردیداور وضاحت کرتا ہے کہ دونوں برادر ممالک کے مضبوط تعلقات اس قسم کی بے بنیاد خبرں کی نفی کرتے ہیں کیونکہ دونوں ممالک اسلامی صفوں میں اتحاد اور اسلامی تعاون تنظیم کے کردار کو بخوبی سمجھتے ہیں اور دونوں ممالک کی آزادانہ رائے اس تاریخی تعلقات میں اہم عنصر ہے۔

اس خبر پر اپنی رائے کا اظہار کریں