نیویارک(نیوز)امریکا نے یوکرین کے تنازع پر روس کے خلاف گزشہ روز جن سخت معاشی پابندیوں کا نفاذکیا ہے اس کے روس پر تو منفی اثرات ضرور ہوں گے لیکن روسی صدر پیوٹن بھی پراعتماد اور اپنے مؤقف پر ڈٹے ہوئے اس وجہ سے بھی ہیں کہ روس کیخلاف ان امریکی پابندیوں اوراقدامات کے مضراور منفی اثرات خود امریکا کو بھی بھگتنا ہوں گے ۔امریکا کی پابندیوں کے واشنگٹن پر منفی اثرات کا اعتراف خود امریکی صدربائیڈن نے کرتے ہوئے کہاہے کہ پٹرول کی قیمتوں میں اضافہ اور قلت کا سامنا ہوسکتا ہے ۔ کیوں کہ یورپی ممالک گیس اورپٹرول کی سپلائی کیلئے روس پر انحصار کرتے ہیں ۔پٹرول کی قیمتوں میں اضافہ پہلے ہی کورونا کے اثرات سے متاثرہ امریکی امریکی معیشت کو مزیدکمزور اور افراط زرمیں اضافہ کریگا۔امریکا کو اپنے یورپی اتحادیوں کے دروازوں پر یوکرین کے عنوان سے ایک نئے فوجی اور معاشی متحرک محاز کا سامنا کرنا پڑگیاہے ۔ لہذاجاسوسی ،سازشوں اور دیگر جنگی اور معاشی حکمت عملی کی ضرورت اور بحران سے نمٹنے کیلئے وسائل کا استعمال کرنا معیشت کیلئے ایک اضافی بوجھ غیر مناسب وقت پر ہوگیا ہے ۔اس کے علاوہ امریکا نے خود یہ وارننگ جاری کردی ہے کہ امریکا کی بڑی کمپنیوں اورحساس اداروں کی تنصیبات وغیرہ پر سائبر حملوں کا بڑاخطرہ ہے ۔