اہل حرم پاکستان 132

ایران مخالف امریکی پابندیوں کے خاتمے کا مطالبہ

ارنا کی رپورٹ کے مطابق کینیڈا کے انسٹی ٹیوٹ برائے پیس اینڈ ڈپلومیسی نے ہفتے کے روز ایک کھلے خط میں جس پرامریکی دانشور اور ایم ٹی پروفیسر”نوام چامسکی” جیسی ممتاز شخصیات سمیت 400 سے زیادہ ممتاز علمی اورشہری حقوق کے کارکنوں نے دستخط کیے تھے اس بات پر زور دیا کہ ٹرمپ حکومت نے 2018ء میں اقوام متحدہ کی سلامتی کونسل کی قرارداد نمبر 2231 کی خلاف ورزی اور ایران جوہری معاہدے سےعلیحدگی کے بعد ایران کے خلاف سخت سے سخت پابندیاں عائد کی ہیں اور ساتھ ہی ایران کیخلاف زیادہ سے زیادہ دباؤ ڈالنے کی پالیسی اپنائی ہے۔

خط پر دستخط کرنے والوں نے اس بات پر زور دیا ہے کہ اگرچہ امریکہ نے اس بات کا دعوی کیا ہے کہ اس نے انسانہ دوستانہ اقدامات کو ایران مخالف پابندیوں سے استثنی دی ہے تا ہم ایران میں موجود سول تنظیموں سمیت بین الاقوامی تنظیموں اور انسانی حقوق کے گروہوں بشمول ہیومن راٹس واچ کی رپوٹیں اس حقیقت کی بین ثبوت ہیں کہ بینکوں کیخلاف عائد پابندیوں نے ایران کے طبی سامان اور ضروری ادویات تک رسائی پر انتہائی بُرے اثرات مرتب کیے ہیں۔

واضح رہے کہ گزشتہ دوسالوں کے دوران ایرانی عوام، امریکہ کیجانب سے لگائی گئی انتہائی ظالمانہ اورغیر انسانی پابندیوں کا شکار ہیں اور امریکی دعووں کے برعکس طبی اور ادویات کی سہولیات کی فراہمی میں ان کو بہت مشکلات کا سامنا ہے۔

اس خبر پر اپنی رائے کا اظہار کریں