Riders-who-have-worked-with-Deliveroo-the-longest-get-a 135

دبئی میں دو پاکستانیوں کو 50، 50 ہزار درہم کا بونس

متحدہ عرب امارات (یو اے ای) کے شہر دبئی میں مقیم 2 پاکستانیوں کو ان کے آجر نے 50، 50 ہزار درہم بطور بونس دینے کا اعلان کردیا۔

عرب میڈیا کی رپورٹ کے مطابق یہ دونوں پاکستانی دبئی میں بطور ڈلیوری بوائے کام کر رہے ہیں۔

رپورٹ میں بتایا گیا کہ یہ افراد گزشتہ 5 سال سے کمپنی کے ساتھ منسلک ہیں اور تقریباً 2 ہزار آرڈر کامیابی کے ساتھ ڈلیور کر چکے ہیں جبکہ انھیں دیا جانے والا بونس ان کی ان ہی خدمات کا اعتراف ہے۔

ان میں سے ایک 35 سالہ ڈلیوری مین محمد خرم نے عرب نیوز سے گفتگو کرتے ہوئے کہا کہ جب انھیں اپنے بونس سے متعلق کال موصول ہوئی تو اس وقت وہ ڈلیوری پر تھے اور انھیں لگا کہ کوئی ان کے ساتھ مذاق کر رہا ہے۔

ان کا یہ بھی کہنا تھا کہ یہ اب یہ اپنے خوابوں کو حقیقت کا روپ دے سکیں گے۔

اپنا تبصرہ بھیجیں