سیرت صحابہ کرام رضی اللہ عنہ 102

حضرت ابوبکر صدیق رضی اللہ عنہ کی وصیت

51 / 100

حضرت ابوبکر صدیق رضی اللہ عنہ کی وصیت
حضرت علی المرتضیٰ رضی اللہ عنہ سے روایت ہے کہ جب حضرت ابوبکر صدیق رضی اللہ عنہ کے وصال کا وقت قریب آیا تو آپ نے مجھے اپنے سرہانے بٹھایا اور فرمایا، “اے علی (رضی اللہ عنہ)، جب میں فوت ہو جاؤں تو مجھے اس ہاتھ سے غسل دینا جس ہاتھ سے تم نے حضور نبی اکرم صلی اللہ علیہ وآلہ وسلم کو غسل دیا تھا، اور مجھے خوشبو لگانا اور حضور صلی اللہ علیہ وآلہ وسلم کے روضہ اقدس کے پاس پہنچا کر تدفین کے لیے اجازت طلب کرنا، اگر دیکھو کہ دروازہ کھول دیا گیا ہے تو مجھے وہاں دفن کر دینا، ورنہ واپس لا کر عام مسلمانوں کے قبرستان میں دفن کر دینا، تاوقتیکہ اللہ تعالیٰ اپنے بندوں کے درمیان فیصلہ فرما دے۔

حضرت علی رضی اللہ عنہ بیان فرماتے ہیں کہ آپ رضی اللہ عنہ کو غسل اور کفن دیا گیا اور میں نے سب سے پہلے روضہء رسول اللہ صلی اللہ علیہ وآلہ وسلم کے دروازے پر پہنچ کر اجازت طلب کی۔
میں نے عرض کیا، “یا رسول اللہ صلی اللہ علیہ وآلہ وسلم، ابو بکر رضی اللہ عنہ آپ سے داخلے کی اجازت مانگ رہے ہیں”
پھر میں نے دیکھا کہ روضہ اقدس کا دروازہ کھل گیا اور آواز آئی،
“حبیب کو اس کے حبیب کے ہاں داخل کر دو، بے شک حبیب ملاقاتِ حبیب کے لیے مشتاق ہے۔”

السيرة الحلبية، 3 : 493
الخصائص الکبریٰ، للسيوطی، 2 : 492
ایڈمن نورسحر💥

اس خبر پر اپنی رائے کا اظہار کریں